Gjatë ditës së djeshme Activism Roots së bashku me OJQ EC Ma Ndryshe mbajtën diskutim mbi aktivizmin qytetar me të rinjtë e Istogut. Interesimi i të rinjëve që të merrnin pjesë ishte në numër të madh pavarësisht temperaturave të larta. Ata na informuan më detajisht per aktivizmin në komunën e Istogut dhe për gjërat që ju mungojnë në komunitetin që ata jetojnë. Si të rinj ata janë gati të marrin hapa konkret për kërkesat e tyre.
Po ashtu gjatë ditës kishte ligjeratë për ruajtjen dhe kujdesin që duhet të kemi për ambientin. Gjatë ligjëratës u njoftuan më detajisht për shkaktarët e ndotjes së ambientit, dhe poashtu se si të kujdesemi për ambientin që na rrethon.
Në fund vazhduam me një aksion pastrimi të oborrit të shtëpisë së kulturës në Istog, ku edhe pas temperaturave të nxehta pjesëmarrësit nuk hezituan që të marrin pjesë në aksionin e pastrimit, kështu duke dhënë mesazh për mirëmbajtjen e hapësirave publike nga institucionet dhe qytetarët.